有人為咗認識浪漫，決定實驗一場偶像劇式嘅初吻； 亦有人初嚐浪漫後，賭上咗自己十年既生命軌跡； 有人覺得要脫下面具會失去安全感； 更有人認為赤裸相對比坦誠相對更加容易； 有人喺孩童時代已經唔再相信一生一世一雙人； 但都有人用一個世紀作為單位許下一個承諾； 有人將結婚視為一個形容詞； 而，有人將結婚睇成一個動詞； 究竟有幾多人相信，浪漫可以持續一個世紀？ 8段環環相扣的當代愛情故事，建構屬於廿一世紀香港的浪漫史。